熱門:

2015年7月31日 即巿股評 港股直擊

【盤房來料】時間過得慢 炒鬼瞓著覺

一向返工時間過得特別快,尤其係當個市炒到飛砂劈石嘅時候,真係嫌每日開市時間太短,偏偏阿Man呢兩日放完假返回工作崗位,竟然覺得時間過得超級慢,成個上晝電話冇響一吓,搞到阿Man瞓著幾次。

本來暑假都係例靜,加埋今日星期五周末效應,半日成交額只有374億元,港股呢邊唔跟內地股市跌,兩個指數均見上升,恒指喺24600點附近,國指差10點重上11200點。指數上落根本唔重要,問題係無股落鑊難搵食,炒鬼噚日熱炒協盛協豐(00707),又係一日貨仔,今日跌7%,可見家陣個個超級短跑,有胡即食免夜長夢多。

呢個時候短炒都係搵自己笨,不如搵啲有潛質爆升股逢低吸納好過,放假前阿Man提過軍工股航天系蘊釀重組被炒起,而中航系亦資金追捧,呢兩日開始步入整固期,不妨吼位逐步儲貨。今年係二戰抗勝利70周年,九月份習大大仲會係上任以嚟首次出席規模超大閱兵,估計喺九月初之前,軍工股板塊都有較多資金捧場。

有老友叫睇睇匯聯金融服務(08030),公司剛公布跟深圳碧桂融鑫投資管理公司,喺中國深圳共同發展一個房地產項目。以為匯聯金融係放數做財仔,原來泊上大碼頭搞地產,難怪之前股價已俏俏地起革命,逐小步咁拾級而上,可怕係成交未見顯著增加配合。不過從圖表睇,股價小圓底收集完成,一旦成交配合,股價可順利挑戰100日及50日線,首個目標先睇1.2元。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads