熱門:

2015年7月30日 即巿股評 港股直擊

【盤房來料】恒指同A50期貨轉戰新加坡

話咁快阿Man嘅陽光與海灘之旅就結束,返到嚟睇番個市,港股25000點失守,上證又回落至4000點之下。老實講阿Man預咗個市冇得玩先放假,即使充完電返嚟,亦唔急於拎起枝鑊剷,皆因呢種市況贏面有限,勉強入場只有得不償失。

今日期指結算,港股先高開後逐步回落,上半場收工前,恒指跟國指已見紅下跌,8月份期指低水,睇嚟結算之後亦唔會有運行。不過期指戰場並唔喺香港呢邊,早就移師新加坡,至於喺嗰邊未平倉合約是否一如坊間傳聞,A50指數連同期指高達50萬張,阿Man唔敢想像,若然數目確係如此巨大,而呢批合約又已轉倉至下月,明日新加坡期指結算之後,8月份中港股市或又見殺戮。

尤其家陣港股成交買少見少,已經連續多日唔見千億成交,而內地股市國家隊如何護航又被睇得通通透透,難怪有傳外資築起大量期指倉準備又將兩地股市變成提款機。

至於個股方面,較為當炒嘅協盛協豐(00707)又破52周高,上半場成交接近1億元,喺呢啲市況已經甚為矚目,明顯唔少炒鬼捧場。公司喺月中曾批股集資,成功喺「708」股災後配股,唔排除係公司已暗渡陳倉,透過呢次配股悄悄易主。當時配股價0.45元,上年11月又曾經以0.16元配過股,兩次配股計番條數,新主接貨成本唔使三粒神,今早最高炒到0.72元,計番條數應該夠晒皮。股價能夠升完再升,同之前阿Man推介過嘅上海棟華(01103)一樣,能夠破頂即係上面係無障礙通道,主要睇睇莊家幾時收手,同埋手頭甩剩幾多貨,背後有乜故仔同消息已經係次要。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads