熱門:

2015年7月23日 即巿股評 港股直擊

【盤房來料】細價股仔炒鬼輪流炒

中證監已表明心跡,暫時未有退市打算,內地股民總算鬆一口氣,上證企穩4000點再升1.3%,帶動噚日腳軟嘅港股收復部份失地,回升逾百點,重上25400點水平。不過成交額唔見顯著回升,上半場又係得四百幾億,睇怕要重上千億成交有難度。

重磅股以濠賭股較為有睇頭,馬交暫緩賭場全面禁煙成為炒作藉口,不過阿Man長線唔係太睇好濠賭股,始終博彩收入持續走下波,自從內地打貪之後,濠賭股收入每況愈下,再加埋內地股市啱啱經歷股災,唔見得爛賭鬼仲有心情過馬交大玩特玩。加上馬交賭業呢個餅無變大,當地賭場競爭只有愈來愈激烈,之前累積跌幅巨大,借消息反彈唔出奇,整個板塊又係有反彈冇上升格局,短炒見好即收。

阿Man講過無成交個市好難有作為,主要係券商唔放水,尤其係唔放畀班強國莊家,明知佢哋喺內地股市無法套現,又搞唔到融資向港股呢邊揼水,又點會肯再一倍兩倍孖展借畀佢哋咁爽手,所以二三股仔即使有反彈,亦難回復之前嗰種愈升愈有嘅氣勢。

個別股仔繼續有炒鬼捧場,中國金海(00139)抖咗一日今日又嚟料,回升15%升穿埋前日高位,捱得過噚日震盪,今日又嚟炒過。不過阿Man認為唔坐過夜,日日計數仲划算,至少噚日唔使食驚風散,今早上午仲大把水位食胡。講到明係炒鬼你推我湧,必美宜(00379)又冇影,今日炒鬼換畫玩保興資本(01141)同亨泰(00197),同樣係毫子股,細細粒容易食。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads