熱門:

2015年7月14日 即巿股評 港股直擊

【盤房來料】反彈接近浪頂 短炒更添難度

希臘問題有望解決,歐美股市勁升,但港股尋日下半場已行先一步反映呢個好消息,經過三個勁彈交易日後,今日腳軟亦正常。至於上證見過4000點又回頭,好似阿Man估計4000點變咗阻力。其實阿爺暴力救市期間,呼籲大大小小基金同券商喺4500點樓下唔好沽貨,變相話畀大家知,4500點沽得,即係上證4500點係政策頂,咁4000點水平自然難以吸引缸邊友再大力掃貨。正如阿Man尋日所講,呢段時間開始上落市,只有睇個別股仔發展去尋寶搵食。

尋日提過浩澤淨水(02014)現價被低估,午後被搶高後,今日又打回原形,不過作為長線投資對象,只要唔穿2.4元止蝕位,買完可以放埋一邊等,遲早上番3元樓上以反映其合理價值。之前提過齊合天地(00976)9元樓下買得過,因為仲低過渝商入股價9.03元,皆因渝商呢次入股已完成,真金白銀三十幾四十億入股,錢亦到時位公司袋袋平安,以一間市值120億公司嚟講,單係現金有三四十億確係唔講得笑,咁多現金可以用嚟大展拳腳。今日公司披露公眾持股量只有兩成左右,即係三個字講晒『無街貨』,呢個消息一出,股價重上8元樓上,現價8.23元依然較渝商入股價打咗個八折,即係仲可以買平咗。

八卦公叫關注中國北大荒(00039),公司易手後轉型兼改名,家陣轉型大搞物流產業園開發及綠色食品行銷配送,市場發展潛力龐大。公司計劃數年內整合北大荒集團喺華南地區所有業務,接管相關物流配送板塊,日後收入將倍數跳升。八卦公話中國北大荒將打造為百億市值企業,即係股價要見5元,若然整合計劃落實當然冇問題,不過講緊幾年0既事,即係又要睇中長線,再上到2.5元又會遇阻力,除非快速突破3元先有條件開快車。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads