熱門:

2015年6月16日 即巿股評 港股直擊

【盤房來料】又係跌幾十點跌過千隻股!

又係另一個悶到嘔嘅交易日,踏入六月之後基本好難炒,市況唔明朗下,重磅股自然冇運行,連股仔都因為之前炒過籠,相繼出現爆煲暴跌股仔之後靜咗落嚟,即使有零星炒作,亦只係一日半日貨仔,同四五月份時嘅氣勢相距甚遠。

上證指數跌穿5000點,一度拖累恒指跌超過200點,其後跌幅略為收窄至不足100點,但國企指數就跑輸,跌1.34%超過180點,睇款暫時唔會有運行。加上升跌股比例,又係過千隻股份下跌,阿Man睇見唔開胃。

不過炒鬼要搵食點都要有股落鑊,之前口口聲聲話要大炒嘅寶聯控股(08201)連續兩日回升,之前由兩粒神插水落到八仙幾咪,足足跌咗超過10個交易日,噚日股價由八仙幾彈上股價重上10或50日線,0.15元樓上兩日搞掂,但咁樣坐過山車,一般炒鬼打咗九年,今日從新出發,去到0.16元附近單日升兩成,仍較高位值唔值博,要問閣下有冇足夠子彈同勇氣先搞得掂。有線人報料話要輪到華建控股(00479)要落鑊,睇圖表走勢今日表現唔錯,今日回升收復10日及20日線,不過唔少炒鬼聽到華建就耍手拎頭,過去又拆又合又供,一向被視為妖股一隻。若然要俾個理由說服阿Man入場參與,唯一就係市值夠晒迷你,今朝炒高兩成都不過3億幾市值,又係炒賣殼咁話......睇落股權唔算集中,呢隻殼要賣都唔容易,唯一係大股東莫財,等係甩手套現又係一個賣殼理由。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads