熱門:

2015年6月12日 即巿股評 港股直擊

【盤房來料】VP成金手指刺激京西再炒

大市繼續反彈,恒指重上二萬七點,不過成交進一步縮水至623億元,即使升跌比例續有改善,喺缺乏資金支持下,阿Man認為港股暫時難有作為。尤其下星期三係投票通過政改與否大日子,為大市帶嚟不穩定因素,建議呢段時間都係保守些少好。尤其政改通過與否都影響大市,當然唔通過政改方案淡友大作藉口做淡,一旦通過又到班泛民搞搞陣,又話要佔乜佔物,到時又係麻類。

星美控股(00198)之前阿Man講過泊到大碼頭一定掂,誰知一公布同百度簽諒解備忘錄反而好消息出貨,結果要到百度正式入股接貨,星美先真正落鑊,今日升近兩成破埋之前高位,短期炒上1.5元亦有機會。京西國際(02339)現價估值偏低,阿Man之前亦分析過,PE竟然唔夠4倍,卒之吸引金手指基金VP以每股0.5元增持近4億股,話明係金手指當然點石成金,一現身披露VB持股量超過5%,股價即有反應升兩成。今日關鍵係股價能否衝破0.67元,上次高位正好係0.67元,睇樣今日應該衝得破,否則變成雙頂。

早兩日阿Man講過靄華(01319)都有大孖沙入場,今日權益披露證實接貨者果然猛料,CCB建設銀行以每股2.03元接批股,持股量增至5.96%至需要披露水平,股價早段被搶高至2.54元,上半場升幅收窄至2.4元僅升2%。靄華升幅唔夠京西咁勁,口痕友話CCB嗰朶唔夠VP咁響,阿Man收風有兩個大孖沙接咗批股,另外一個係乜水,答案好快揭盅。毫子股以亞洲能源物流(00351)較為當炒,不過此股往績紀錄一向麻麻,上半場升兩成盤中曾高見0.26元,最怕又係炒高派貨一日現完,只係接近0.25元轉角位,自然吸引炒鬼入場。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads