熱門:

2015年6月11日 即巿股評 港股直擊

【盤房來料】新沙士虛驚一場無助大市反彈

經過2003年慘痛一役,對於新沙士香港人相對敏感,噚日傳出有疑似個案出現青衣城,各方都如臨大敵,青衣城一夜間變成死城一樣。大市亦倒水一樣,淡友本來已蠢蠢欲動,多咗新沙士呢個藉口,大大力踩多腳,二萬七失守後不復見。即使醫管局已證實係一場虛驚,嗰個由韓國回港病人新沙士測試呈陰性反應,恒指裂口高開反彈後,亦無本事重上二萬七。就算暫時大市回穩,亦唔見得有乜作為,雖然今日升跌股比例大有改善,但唔少炒鬼元氣大傷後要停一停,抖一抖,缺乏資金捧場下,恒指就算升二百幾點,市況仍然冷冷清清,上半場只有715億成交。

二三線股仔狀況更慘不忍睹,十居其九腳軟,無成交無動力鑊氣不再,唔少炒鬼索性唔返工,一係就半場走人。若然好似阿Man早於五月底開始減倉,喺四五月份贏完大鑊應可持盈保泰,偏偏唔少炒家未有減磅,更因為股仔相繼爆煲賺少一截。之前阿Man響晒警號嘅數字王國(00547)同新確科技(01063)唔單止綁住缸邊友,連平時鮮有蒲魚缸嘅一般股民散戶,亦因為呢兩隻炒股而損手爛腳,幾時都要記住,愈多平時唔炒股嘅普羅大眾都上咗車嘅股仔,通常唔會有好下場。

搵嚟搵去亦唔覺有股好炒,而噚日跌市已相當勇猛嘅中信系一向好難度,爆升翌日追輸多贏少,今日第二日升更加唔多想掃貨,不過要數炒鬼參與度較高嘅炒股,不得不提中信資源(01205)。缸湖傳聞中信系重組正進行得如火如荼,唔排除中信資源將獲注資。提醒一句,中信系出名難搞,要贏錢唔容易, 況且噚日已爆升,今日再追唔多划算。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads