熱門:

2015年6月9日 即巿股評 港股直擊

【盤房來料】預感冇錯大細股齊齊仆直

港股今早跌逾二百點,連恒指亦一度失守二萬七邊沿,至於期指當然唔使講,整個上半場一浪低於一浪,阿Man都冇眼睇。噚日阿Man因為見到連日下跌股份超多於上升股,咁覺已不爽,今日一個上半場竟有1577隻股份下跌,上升股僅餘129隻,更覺觸目驚心,睇嚟六月份唔單止要份外小心,直情係難搵食冇得玩。

以為超大(00682)尋日企穩六粒神樓上有運行,豈料今早竟要低開一個位,即使早段有炒鬼博炒掃上0.71元,亦不過一舜即逝,一跌穿七粒神尋日有貨喺手都應該有食當食。至於噚日走勢轉好嘅鈞濠(00115)早段曾高見0.79元,奈何不敵大市插水,倒跌兩個位低收0.71元,咁0既情況都係睇定再考慮上車。

反而上星期公布業績兼大送紅股嘅靄華押業(01319)表現甚為硬淨,開市一度被搶高至2.48元,中段隨大市插水至2.25元低位又見買盤積極收集,低位彈番十幾個價位,上半場仍錄得3%升幅。聽聞日前批股成手貨落入強中手,加上送紅股後變相一拆四,唔排除之後有得炒。

至於上星期熱炒股坪山茶業(00364)竟然跌穿一粒神,打回原形重返仙班,今日唔上番一粒神收市,走勢危危乎,暫時守住條20日線,一旦收市失守即0.093元,建議先止蝕。君子不立危牆下,待市況好轉,股仔熱炒派對重開再報仇亦未遲。總之炒股仔最緊要識跳車,賺頭蝕尾情況十常八九,市況唔明朗都係套現穩陣,否則大市調整完回復強勢亦無子彈掃貨。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads