熱門:

2015年6月8日 即巿股評 港股直擊

【盤房來料】大市忽上忽落感覺唔良好

大市走勢飄忽,期指開市仲跌穿二萬七大關,幸而喺內地股市升近1%帶動下,大市再度回復升勢。不過睇番指數股過半數下跌,大市回升主要靠國企帶動,加上內地創業板插水,阿Man感覺唔良好。

至於二三線股同樣死死吓,不過阿Man上周五推介過世達科技(01282)走勢不俗,新股東背景雄厚,又點會唔炒鑊甘。缸湖傳聞目標價2元,今早見過1.82元平咗上周五高位,打番個折扣差不多,短炒建議睇位落車套利。

遠東控股(00036)同遠東酒店(00037)又熱炒,孖寶分別升42%及37%,好老實阿Man得個睇字,實在無膽落搭。一樣孖寶炒上不外乎係賣殼重組同注資,遠東酒店市值得幾億銀,就算今日升咗三成,市值仍未夠七億。

殼股尋寶熱潮未停過,鈞濠(00115)今早炒高14%估計又係炒賣殼,現價市值6億幾,集團今年三度配股,最近一次五月以0.38元配售5868萬股,自此後股價拾級而上,今日MACD重新發出牛差,唔排除可突破之上高位。

吽咗好耐嘅超大現代(00682)今早大成交上升,之前阿Man講過超大係要大炒,奈何每次見六毫幾子即掉頭,令唔少fans失望,阻看今日能夠收市企穩0.6元之上,若今日能企住高位收市,唔排除展開新升浪,突破之前高位0.67元可直指0.8元。

麥狄文

 

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads