熱門:

2015年6月4日 即巿股評 港股直擊

【盤房來料】內地唔放孖展都關港股事?!

阿Man再三提醒個市唔多妥,今日上半場即嚟料,恒指一度逼近二萬七關,期指更被追殺至低見26638點。口痕友話今日六四會唔會插夠640點散場,呢層阿Man不得而知,但氣氛轉差係事實。缸湖傳聞內地金融機構唔再向創板股提供融資,呢個消息唔單止拖累上證跌1.7%,更加拖累埋港股,唔少證券行call margin,強國莊家喺大陸班唔到水,大大小小股份都插水。

除咗強國莊家被call margin,近日多隻股仔先後爆煲亦成為證券行call margin藉口。尋日暴跌0既數字王國(00547)午後曾勁彈,竟然仲有傻仔相信尋日不過係大型震倉,又傳會炒番上去,目標價仍然係10元,簡直無知到極點。一睇數字王國咁格局,擺明係散水兼派貨,之前乾升成交唔算大,到尋日插水咁大成交,莊家要派貨得心應手,可見唔少笨人落搭。數字王國升上嚟已有一批忠實信眾,再要尋日低見0.84後勁彈逾五成至1.3元樓上,更加吸引缸邊友入場博反彈。只要頭腦清晰些少,數字王國喺兩毫幾子起步,現價1.1元莊家仲贏五倍有突,平均價呢啲位派貨,仍然贏到開巷。

本來熱炒0既股仔全線陣亡,中國星(00326)未能重返日前高位,連續兩日咁款兼穿埋0.14元,先止蝕跳車避其鋒。坪山(00364)亦見炒鬼打靶,股價食晏前低見0.104元幾乎打回原形,走勢睇落唔多掂。阿Man對坪山前景仍有信心,上半場插水因為唔少短炒鬼打靶人踩人,阿Man認為0.11樓下買好穩陣,公司持大量現金兼市場仍偏低。值得留意係集團尋日作出披露,公司以每股0.177元行使6.4億股CB兌換為普通股,較上半場收市溢價超過六成。員工則以每股0.099元行使option4.2億股轉換為普通股,拉勻兩手貨均價成本約為0.116元,即係現價仍有折讓,阿Man唔排除再見0.11樓下加碼。君陽太陽能(00397)開波好勇猛,高見0.43元又見某幾間行自0.41元開始狂沽,斷估又係同call margin有關。估計大大少少股份,待上半場啲孖展戶口斬倉同打完靶後,應該可以彈高些少。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads