熱門:

2015年6月3日 即巿股評 港股直擊

【盤房來料】又有爆煲股!股仔腳軟要小心

內地股市高開低走,港股又玩性格唔跟跌反而升,全靠首日掛牌嘅長實地產(01113)為指數貢獻超過200點,嚴格嚟講即係其他嘢全部唔掂,包括同系長和(00001)亦要跌1.7%。噚日阿Man講過當大市有超過千隻股票下跌要小心,今日上半場又出現呢個情況,咪以為指數升個市好安全。

今日輪到數字王國(00547)爆煲,激跌五成成交額超過10億,又唔知製造幾多苦主。阿Man從來冇推介過呢隻喪升股,即使之前滿街消息話此股要炒上5元,但阿Man實在過唔到自己嗰關,此股憑何要炒上五百億市值。即使今日股價暴跌五成,數字王國仍然過百億市值。由於又有爆煲股,拖累本來炒得好地地嘅股仔腳軟,噚日下半場升至接近全日高位嘅中國星(00326)竟然倒跌,打回原形去番噚日午後起步位,阿Man愈睇愈唔忿氣。雖然高位未有食糊,但阿Man認為中國星只係剛起步,總之唔穿0.14元就持有,0.12元批股點會唔炒上兩粒神。

至於呢期被供奉若神明嘅內地網站格隆匯推介坪山茶業(00364),雖然較阿Man推介遲咗成個星期,但總算後知後覺發現此股估值嚴重偏低,單係每股NAV0.226元呢一點,阿Man有信心走勢可以拾級而上。君陽太陽能(00397)高開低走,上半場竟然落番0.4元之下,皆因炒鬼高位掃貨見好多股仔反艇而急急腳打靶。阿Man推介收集時其股價不過0.34元樓下,家陣仍有優勢繼續坐,反正供股要到下周四才出籠,呢段時間之前大有條件再炒高。以供股價0.26元計算,君陽炒高一倍啱啱好0.52元,現價唔排除再加碼。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads