熱門:

2015年5月26日 即巿股評

【盤房來料】首華財經見大手交波必有後著

乘住上證指數喺尋日佛誔假期嘅強勁升勢,港股今日高開喺意料中事,恒指盤中曾升越28500點,其後喺黑雨掛起後,升幅收窄至1.4%,於28400點附近徘徊。國指升勢更厲害,一度逼近15000大關,上半場升逾3%,叫做緊貼內地股市升幅。

股仔鑊剷派對上半場未有俾黑雨嚇窒,炒鬼股照炒,糊照食。近日紅爆嘅內地炒股網格隆滙又再發揮點石成金奇技,推介琥珀能源(00090)榮登升幅榜冠軍升逾六成,不過開價2.3元U盤入亦唔見得好着數。記得年幾前阿Man已有跟進呢個網嘅推介,確有唔少好股推介,不過呢類網站當愈來愈多人跟進,往往就淪為散貨工具,阿Man唔敢話之後其推介仲有冇可觀升幅,但至少即日跟進未必着數得去邊。

上周五阿Man叫收集位元堂(00897),果然今日有料到,循序漸進升近一成,只要升破0.16元,定必向兩粒神挑戰。至於正道集團(01188)表現亦唔錯,微升兩仙股價升越多條移動平均線,只要守得住呢啲位收市,一於再坐一會。今日再俾多隻股仔大家跟,線人報料要留意首華財經網絡(08123),上半場股價未見太大異動,盤中高見0.6元平之前高位,之後又回落至0.57/0.58元,一直有買盤密密收集,阿Man仲見到0.58元曾有逾十球沽盤被大手買家咪埋掃咗,如此大手枱面交波必有後着。

阿Man執筆時黑雨除下改掛黃雨,下半場一切如常,繼續炒到出煙。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads