熱門:

2015年5月22日 即巿股評 港股直擊

【盤房來料】位元堂現價繼續收集等破位

內地股市再創7年新高,上證指數升越4600點水平,升近2%,帶動港股升逾1%,恒指重返27800點水平,有重返二萬八之勢,若能舊地重遊上番二萬八,咁五月成個月果然係反覆反覆兼混吉,有波幅冇升幅。

經過連續兩日有跳崖股出現後,炒鬼收歛咗唔少,加上仲係長周末,假期效應下炒鬼唔算積極。本地券商股輪流落鑊,噚日下半場時富金融(00510)落鑊熱炒,今日輪到結好控股(00064)發力,但係僅升7%,以結好橫行近月收集計,如此溫和升幅唔多啱數,至少挑戰上次高位0.6元,否則又點對得住班捧場客。現價追結好跌穿0.5元止蝕,博升穿0.6元破位再上,隨時有機會七八粒神先落車。另一已收購本地券商天順證券嘅保興資本(01141),終於重返0.4元以上,技術走勢開始轉好,MACD從新發出牛差,不妨繼續持有。

講完券商股又講吓其他股仔,阿Man呢兩日叫留意位元堂(00897)可短炒,噚日午後果然發力升咗些少,今日上半場見完高位回落至0.14元附近,炒鬼高追打緊靶,有心人則喺0.14元密密收集,阿Man認為可以呢啲位再加碼,一旦升穿0.16元破位。要上兩粒神冇難度。八卦公來料話正道(01188)換咗強國廚房佬,現價又可以吼位上車等炒上1元,消息股可以參考不能盡信,但睇正道上半場個款甚為對辦,加上股價三月見過五粒神高位後已調整個多月,並於0.4元找到支持,不妨跟進以0.4元為止蝕價等翻升。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads