熱門:

2015年5月21日 即巿股評 港股直擊

【盤房來料】又有喪升股爆煲加倍小心

大市繼續反覆,盤中一度跌穿27400點,但內地股市繼續向上,港股跌幅逐步收窄,上半場僅跌10點,成交淡靜只有664億元。

繼漢能(00566)尋日暴跌近五成停牌後,今日又有之前喪升股爆煲,高銀金融(00530)同高銀地產(00283)齊齊過堂,分別跌57%及45%成為跌幅榜冠亞軍,上跌幅榜唔係乜嘢好事,但連續兩日都有喪升股暴跌,炒鬼打醒十二分精神。阿Man一向唔推介啲暴動股,即使因為貨源歸邊如何喪升都好,總有一日要散水暴跌。

今日卒之輪到阿Man心水股發圍,幸福控股(00260)卒之破頂升逾7%,京西國際(02339)亦升逾8%。前者屬於中航門下,注資係屬早嘅事,後者估值超低兼又係等緊阿媽京西重工注資。兩股皆有強勁後台,升得嚟有根有據,並非純炒貨源歸邊,雖然唔係坐箭式上升,但拾級而上循序漸進,持有呢啲貨絕對瞓得安落。

至於傾向炒概念嘅漢傳媒(00491)謝霆鋒,股價抖個幾星期,今早亦有番起色,兩度下試10日線有支持,兼且沽盤嚴陣以待但買盤奀奀又唔隊買家,呢種格局擺明係壓價吸貨,只係等待強國廚房佬開火落鑊。噚日阿Man叫午後留意係位元堂(00897),豈料畀和協海峽(00033)搶晒風頭,超高溢價行使CB,惹來市場無限遐想。提醒大家和協海峽新主雖然以天價1.25元高價行使CB,但唔好忘記新主有40億1粒神超低價新股在手,溝埋成手貨成本約兩粒神,難怪高位見過0.4元剛好成本一倍就回頭。反而位元堂完成供股無理由唔落鑊,況且市值僅八億幾,現價仲係挨近低位,守住0.125元止蝕唔怕上車炒番轉。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads