熱門:

2015年5月19日 即巿股評 港股直擊

【盤房來料】換咗強國廚房佬確係唔同

大市繼續上上落落,今早恒指又重上27700點,大市回升明顯由國企股帶動,皆因上證勁升逾2%,國指亦唔輸蝕,升番二百幾點,成為大市火車頭。

炒鬼各自各精彩,升幅榜頭5位升幅閒閒地三成,當中又見中國金海(00139)此等妖股入榜,中國金海有幾妖,舊年入場炒過嘅炒家深深體會到,不過經過又供又合又改買賣股數單位,趕走晒所有炒家,兼且聽聞連廚房佬都換咗強國人。難怪今年唔同晒,由4月初兩粒神起步升至最高1元樓上,好明顯咁嘅升幅係強國廚房佬先搞得掂。不過之前個個上齊子彈等食糊,呢啲位當然唔追接火棒。

噚日同大家爆料天馬影視(01326)有機會變飛馬,皆因傳緊同某巨頭密斟中,豈料公司發通告話呢個消息唔代表公司意見,今朝股價高見4元後即插水,最嚴重時仲插夠兩成低見3.18元,高追咗咪話唔心寒。值得留意係通告只表示相關報道「非公司意見」,並未有直接否認有關傳聞,震倉之後會點大家不妨諗諗。究竟天馬搭唔搭得上巨頭目前係未知數,但本身文化產業就大有作為,既然阿里影業(01060)可以扛起超過700億市值,天馬影視家區區廿億市值算係乜,阿Man一於少理,趁現價收集等好消息。

華夏醫療(08143)公布跟雲南省腫瘤醫院建議合作訂諒解備忘錄,雙方成立合營計劃喺昆明市西山區城中村興建一間新雲南省腫瘤醫院分院,股價高開後回吐,好消息出貨幾時都係金科玉律。不過正好趁股價回調收集,1.8元附近上車冇失拖,內地投資者對華夏相當睇好,目前31億市盈率濕濕碎,至少翻一番至六七十億,即係目標價3元過外。

熱炒股仲有中國創聯教育(02371)同中國公共採購(01094),兩股齊齊技術突破,經過一輪橫行收集尋日喺成交配合下上升,前者已升逾三成,後者升6.5%尚算溫和,兩公司表面看似毫無關係,但幕後人士關係千絲萬縷,公共採購升幅相當落後,係時候後來上。

麥狄文

 

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads