熱門:

2015年5月14日 即巿股評 港股直擊

【盤房來料】炒鬼埋首狂炒科技同互聯網+股

大市窄幅上落,暫時守住27300點水平,大盤仍然淡靜,缸邊友集中火力炒股仔。內地資金狂掃科網股,要數呢兩日最出位係網龍(00777),短短一個星期升咗七八成,盤中曾創42.05元高位,其他科網股無出奇右。

落鑊科網股數不勝數,之前阿Man極力推介要收集嘅中國軟件(00354)急升近15%,話咗4蚊邊收集必贏,5元短線目標實現,中線仍然係講緊8元至10元。擎天軟件(01297)交投較疏落升近4%,講到熱鬧擎天軟件今日遠遠不及中國軟件,識揀梗係炒中國軟件。落鑊科網股仲有晨訊科技(02000)、金蝶(00268)、方正控股(00418)同品質國際(00243),升幅由一成至兩成不等。除咗軟件股,手遊股亦有捧場客,一對孖寶挨豬豬(08002)同鬥地主(00434)分別升逾8%及6%。

支付寶股份炒咗兩日,創新支付(08083)終晉身蚊股一族,中國支付通(08325)更厲害,今日裂口高開再升13%,單睇排盤支付通貨源極歸邊,創新支付街貨多眾所周知,邊隻容易飛天高下立見。早兩日阿Man提過隻北亞資源(00061),當時未知乜料純觀察,呢兩日仍未開車,原來公司早已變身支付寶股份,又係衰在改壞名,既然支付概念股落鑊,難怪八卦公叫要吼北亞資源。要數落後科技股高陽科技(00818)同中國光纖(03777)升勢尚算溫和,兩股技術走勢向好,幅圖靚仔到暈,只不過兩股出咗名難炒,短炒唔容易,反而坐定定等爆升有着數。

如期話炒科網股,應該宏觀少少睇係炒互聯網+概念股,國美電器(00493)同滙銀家電(01280)高處未算高,兩者同屬互聯網+概念股,股價沒有最高只有更高。噚日阿Man叫吼謝霆鋒漢傳媒(00491),今日表現唔錯升逾7%,相信批股已盡入強中手,股價拾級而上目標1.5元,升穿1.2元企穩可加多注。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads