熱門:

2015年5月11日 即巿股評 港股直擊

【盤房來料】證監mon住股仔無得再放肆

阿爺喺母親節又送大禮,宣布再減息,當大家以為內地跟港股上周經過深度調整後,今日可以借減息狂挾淡友,豈料恒指最高不過27800左右,升幅相當有限,上證亦只係升1.1%,相對高位回落跌幅,兩地股市明顯缺乏彈力。今次已經係半年內第三次減息,阿Man有心理準備阿爺繼續打息魔,今年全年可能要減夠6次息先夠皮,中國版QE都係減息降準呢兩招。由於缸邊友有晒心理準備內地息口持續下調,呢個消息自然對股市刺激威力大減。

重磅股表現好壞參半,二三線股炒作收歛唔少,升幅榜唔係吓吓要升夠兩成先有資格登陸。上星期三隻貨乾股大玩姿勢隨佢擺,但玩嘢得過份,卒先畀證監開file調查。今日恩達(01480)「榮登」跌幅榜首位,繼上周五先升後倒跌,今日再跌逾四成,落番10蚊雞打回原形,較高位更大跌九成。集成傘業(01027)同飛尚無煙煤(01738)都齊齊過堂,前者最低11元,但上半場收工前跌幅收窄至兩成樓下,隻無煙煤跌幅同「遮神」差不多,口痕友話「遮神」同無煙煤睇嚟未識死。

證監講到明啲股仔玩嘢要關注,之前炒到出煙嗰批妖股全部龜縮,唔敢太放肆。上周五建議大家要買幸福控股(00260),只要正確解讀通告,折讓批股無冇怕。今日持有幸福好幸福,股價最高見0.68元,升破之前0.63元高位,繼續向1元目標進發。線人來料叫睇實北亞資源(00061),又係有機會倍翻喎!好老實阿Man唔知乜料,但睇走勢圖幾靚仔,早兩日高位0.41元待破,可惜今日成交未夠數,但此股已破晒兩年高位,經過咁長時間收集,一旦爆升動力唔可以睇少,一於列入觀察名單。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads