熱門:

2015年5月8日 即巿股評 港股直擊

【盤房來料】幸福批股大股東變相注入資金

港股經過「七連陰」之後,今日終見反彈,加上之前幾日屠牛行動相當成功,大戶亦樂意先收手,大市亦有喘息機會,恒指反彈二百點,不過27500點卻未能企穩,睇嚟個市呢個月會繼續反覆,唔排除仲有一次見低位。大市雖然反彈,但炒鬼唔見得有乜好炒,上半場成交額只有700億左右,可能同周末效應有關。

噚日阿Man煲劇,今日就睇表演,升幅頭幾位又有奇葩,恩達集團(01480)三個交易日由10元起步升到今朝最高102元,三日可以做到十倍升幅擺明係貨源嚴重歸邊。恩達上市唔夠半年,若然上市有貨持有到呢一刻,升幅講緊係接近100倍!!! 飛尚無煙煤(01738)同集成傘業(01027)上演住跟恩達類似故事,由上市至今街貨應該盡在強中手,貨源極度歸邊,姿勢完全隨佢擺。事安集團(00378)又係貨源極度歸邊被要求恢復公眾持股量至25%,透過批股符合公眾持量股要求,其實所謂「公眾」,表面係非關連人士,但接貨係咪自己友缸邊友心照,否則又點可以咁勁升100%。

上述呢類勁升股純屬私人派對,阿Man當然得個睇字,實際啲搵可以參與嘅搵食機會。幸福控股(00260)復牌公布以0.41元批股,大股東先舊後新認番晒批新股,順手畀手平貨自己友,兼且將街外小股東股權攤薄,經此一批後,表現大股東少咗3%貨,但街貨亦減少10%。大股東用超過3億認番批新股維持控股股東地位,變相向幸福注入超過3億現金。呢個動作一舉數得,查實幸福未批股前已持有超過5億現金,今次再集資3億雖然未有指明會作乜用途,只係做一般營運資金,不過大股東大嗱嗱拎3億出嚟,肯定仲有後着。上半場批股一上板股價掉頭落番開市價,睇嚟又係一般嚇鬼技倆,阿Man收到風1元目標價無變,呢個位上車大把水位,下面以0.5元轉角位作止蝕博鋪大茶飯。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads