熱門:

2015年5月7日 即巿股評 港股直擊

【盤房來料】大市走樣寧願煲劇唔炒股

雖然阿爺經已澄清並未有意思再收緊兩融,但上證指數未有力反彈,再插水1.4%,港股繼續調整,進一步失守27500點,上升股份不足300隻,下跌股份超過1300隻,可以用一片慘淡嚟形容。重磅股幾乎全軍覆沒,就連尋日強勢0既內險股亦見腳軟,僅剩友邦保險(01299)逆市上升,上升藍籌股十隻手指數得。

尋日炒鬼打游擊已見困難,今日連游擊都打唔成,雖然升幅榜內仍有唔少喪升股,但夠膽參與0既炒鬼真係有限數。要數較為活躍股仔今日輪到馬斯葛(00136),逆市升逾兩成,之前抖咗氣兩個星期,整固完成旗形突破,新一輪升浪又開始。提升此股由1粒神起步,現家計累計咗兩三個開,阿Man又係嗰句,參與炒作冇問題,一有唔對路最緊要識跳車,畢竟其市值已過百億,憑乜本事再炒上呢吓考起阿Man。

至於升幅榜冠軍係復牌宣布控股股東溢價近三成出售股權的恒輝企業(00185),又係一個賣殼故事,股價一度升至四粒神,上半場收市前升幅收窄至四成,剛剛高出收購價些少。至於其他較為當炒股仔,雖然有鑊氣但欠成交,跟上星期炒到出煙有天壤之別,一句講晒大市走樣,炒鬼審慎,食少多教訓,唔少炒鬼寧願煲劇都唔入場,包括阿Man在內。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads