熱門:

2015年5月6日 即巿股評 港股直擊

【盤房來料】炒鬼打游擊 重組概念好風光

預咗5月港股走勢反覆,噚日插水後今日隨內地股市反彈,恒指雖然未能一舉收復全部失地,但能重上二萬八水平表現經已唔錯,相比起上證指數跌完4%,今日僅彈1.3%,港股表現好得多。重磅股以內險股最醒神,平保(02318)跟國壽(02628)齊齊升逾4%,係表現最好藍籌股。其實目前港股主板平均市盈率不足13倍,跟2007年高峰時超過20倍PE仍平咗一大截,阿Man認為牛市不過剛剛開始,但急升過後難免回吐,所以阿Man早有準備今個月盡量輕身,保留實力吼調整執平貨。

重磅股擺明要抖氣,即使今日反彈力度都係一般,炒鬼繼續炒股仔搵食,不過今日似乎冇乜邊個板塊或者邊隻股仔特別有人氣,炒鬼都係打游擊。噚日首長系威咗一個下晝,今朝已冇晒影,同樣係炒系內重組,航天系炒上嚟爽得多。整個航天系暫時以阿Man早兩日提過嘅幸福控股(00260)表現最為落後,周一裂口上升午後衝破五粒神高收,噚日一度升破0.6元隨大市回頭,但守於五粒神之上,聽聞先係熱身。強國莊家來料話呢啲位繼續收集至少博一個開,現價買入以0.5元為止蝕,能升破0.7元上面海闊天空。至於噚日叫留意中海船舶(00651)果然守住10日線,欲升未升睇嚟有心人壓住收貨,坐定定等開車,7粒神只係初步目標,線人來料話必變身蚊股。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads