熱門:

2015年5月5日 即巿股評 港股直擊

【盤房來料】5月調整剛開始 撈貨唔使急

阿Man講過5月份大市係要回,話口未完今日即時見效,噚日都見到啲重磅股冇乜力,資金早已轉炒股仔,今日就連股仔都回氣,市場內上升股份寥寥可數,不足300隻,但下跌股份則超過1300隻,呢個比例都好耐冇見過。恒指跌穿二萬八,調整只係啱啱開始,有心理準備要下試二萬七支持位,有冇機會回補上升裂口,要睇牛仔街貨養得夠唔夠肥。

噚日推介嘅華榮能源(01101)同中國龍工(03339)仍然屬於收集期,回調幅度唔算大,前者回4.6%,後者僅跌2%,現水平依舊可以吸納。本地券商股今日回吐較為明顯,阿Man認為作為中線投資係吸納好機會,當中仍然係結好(00064)為最抵買本地券商股,單係股價低過NAV已值得捧場。上星期推介即見買盤追捧,呢兩日未能升破0.6元回頭,上半場更回落至0.48元,回落幅度好似過份咗,回番落去上星期爆升起步位,阿man食完一轉糊又打算衝番入去。

航天一系仍然係中航工業(00232)最醒神逆市上升,但短短個幾星期升咗一倍,見好即收係時候收割落車。同系幸福控股(00260)呢兩日追落後,早段高見0.63元回頭,打回原形去番開市個位,又係時候抖抖氣。中海船舶(00651)聽聞要落鑊,撞正個市掉頭唔好彩,尋日升一日今日隨大市回落,留意10日線喺0.275元,守得住不妨買番些少,造船行業改革事在必行,中海船舶目前市值廿億元鬆啲,一旦有改革重組資產調配必定落鑊,現價買嚴守0.275元,0.4元重貨區升得穿又係上面任佢行,市值上到50億元股,股價見七粒神。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads