熱門:

2015年5月4日 即巿股評 港股直擊

【盤房來料】大市反覆轉買優質二三線

今朝大市走勢較為飄忽,恒指一度逼近二萬八水平跌逾百點,其後喺上證回升帶動下回升,重上28200點水平,估計大市將於27500至28300水平之間上落整固,資金流去炒二三線股。

上置(01207)復牌股權易手,刺激股價勁升超過四成,又係炒鬼樂園,夠膽開市U高兩成買0.46元,原來高處未算高仲有兩成升幅跟尾。幸福控股(00260)被人發現真正身份,公司之前易名後換埋管理層,主席季貴榮係中航國際(00161)母公司主席,原來跟目前最受市場歡迎軍工股航天系同屬一家親,易名幸福控股係為注入幸福航空而鋪路,未來有望獲注入母公司嘅民航業務資產,成為中航民航業務旗艦。股價裂口高開後節節上升,目前市值僅廿億鬆啲,一旦獲注入幸福航空,股價現價計仍有條件翻一番見1元。

今日再推兩隻工業股,前身熔盛嘅華榮能源(01101)阿爺出手打救,之前講過呢個公司too big to fail,家陣接手國企極有可能係中國船舶(00651),有央企照住仲轉埋型搞石油,有助解決債務及現金流問題。睇番盤路見重型沽盤壓價1.09/1.1元,但有買盤密密暗手掃1.08元,擺明係吸貨格局。技術走勢方面,股價今早再試10日線回升,成個旗形出晒嚟,呢次再爆肯定升穿1.2元,先挑戰下一個重貨區1.4元至1.6元。

阿Man另一心水工業股為中國龍工(03339),受惠一帶一路今年海外業務將大放異彩,集團喺行業低潮期成功控制成本同現金流,balance sheet較其他行家靚仔,肯定係行業復甦領頭羊。現價買博破頂升上3元,10日線1.89元為止蝕位,半成博五成呢條數冇理由唔識計。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads