熱門:

2015年4月28日 即巿股評 港股直擊

【盤房來料】大市抖氣炒鬼追落後股

經過噚日嘅瘋狂,內地股市今日終要抖一抖,港股亦跟隨回一回,但相對累計升幅,一百幾十點回吐確係濕濕碎。阿Man相信重磅股要歇一歇,連大笨象(00005)噚日都跳埋舞,今日輪到超級落後嘅中信泰富(00267)都升4.3%。似乎冇乜藍籌股未行。

炒鬼狂炒落後股,先有京西國際(02339)因為市盈率勁低而被炒起,裂口高開後股價持續向上,股價上半場升逾25%,接近半日高位收工,睇個款今日第一日落鑊,未有耐玩完。另一喪炒股仔中國國家文化(00745)亦吸引唔少捧場客,盤中高見0.179元,不過此股一向走勢勁飄忽,奉勸一句身手唔夠敏捷者,慎入!之前阿Man推介過中國礦業(00340),收到風要收購重量級項目,結果係金礦業務。由於收購透過發行新股支付部份代價,每股代價1粒神唔算高,今朝高開0.255元後僅升上0.265元即掉頭,跟預期0.3元目標仍有距離,唔少坐咗貨嘅投資者都先行離場。

話到明炒落後股,阿Man推介協鑫新能源(00451),噚日走勢見突破,今日隨大市略為回落,又係大好機會上車。相對另一太陽能巨頭漢能(00566),協鑫新能源家陣市值不過百幾億,不及漢能十分一,但以其業務發展前景比較一啲都唔輸蝕。集團大力開拓光伏站,有望喺呢兩三年內成為光伏站龍頭,公司啱啱發咗CB俾高盛集資1億美元,之前又成功申請200億元信貸額度,睇嚟今年業務再以倍速擴展。現價仍較去年高位1.44元有一段距離,喺眾多新能源股已創新高下,係時候輪到協鑫新能源發力。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads