熱門:

2015年4月27日 即巿股評 港股直擊

【盤房來料】炒鬼醒目狂掃大笨象call輪

過完一個周末义滿電,滬港兩地股市又發力再上,上證指數高處未算高,再升1.8%高收。港股亦唔輸蝕,再創7年幾新高,企穩尽28400點上半場高收,全靠大笨象(00005)會跳舞。大把散戶望穿秋水終於等到大笨象呢一下,口痕友話大笨象都知中國好,香港好,考慮將總部搬番嚟香港,股價即有正面反應,雖然大笨象算後知後覺,但總好過不知不覺。大笨象靜咗咁耐,一係唔行,一行就要急起直追,炒鬼醒目狂掃大笨象call輪,不過相對港交所(00388)嘅動力,就算買中大象輪,都好難一個星期製造出千萬富翁。

上星期五阿Man叫收集優質股,心水係中國軟件(00354),若然肯跟一轉上車,今日又進帳5%,技術走勢靚到爆,短線好快上5元,中長線阿Man睇8元至10元,事關現價估值平到笑,相同板塊喺內地股市trade緊五六十倍PE,中國軟件現價超值。

阿Man講明買定中國天然氣(00931)等好消息,由推介日1.9元樓下計,輕輕鬆鬆升近兩成,唔介意2.4元附近食一食糊減持部份平貨,等調整再吸納。中國天然氣畢竟連續三日急升,高沽低買既可游一游水,又可減低持貨成本。至於其他股仔今日唔算太瘋狂,話晒上星期毫子股已喪炒咗,都係時候收歛一吓,況且食垃圾食得太多,好易消化不良,阿Man繼續收集優質股。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads