熱門:

2015年4月24日 即巿股評 港股直擊

【盤房來料】唔想再俾阿爺玩 靜市撈優質股

又到星期五,一般打工仔最鍾意星期五,尤其係五天工作嗰一班,因為明日又係周末假期,有假放梗係開心。不過對於阿Man呢類死炒鬼,就唔多like星期五,基於周末效應,星期五魚缸交投偏向淡靜,加上經過上周末俾阿爺玩足三日,大部份炒家唔願意承擔呢個風險,傾向減磅,搞到星期五特別難搵食。

內地股市插水跌逾1%,港股呢邊亦冇好日子過,開波嗰吓已接近全日高位,之後一路落山,上半場散場前跌至半場低位,失守27700點。早兩日炒到出煙嘅垃圾股停晒手,二三線唔見得好得去邊,重磅股個別發展,總之都係冇啖好食。

噚日阿Man建議沽華富國際(00952)換馬時富金融(00510),結果時富金融升勢僅得一粒鐘,上到1.1元樓上又見沽盤湧現,睇嚟仲需要花多少時間收集。早兩日叫買定中國天然氣(00931)等注資,連續兩日強勢,今早更升穿2元高見2.11元,厲害係個市一路插水,股價仲企喺2元水平之上trade,買盤咁強勁應該好事近。

今日抱歉冇任何即市短炒推介,中線吸納可以睇睇中國軟件(00354),噚日成交大到爆因為有舊股東減持3.35億股,成手貨由大型保險基金、公募基金同國際性資產管理公司同機構投資者接貨,批股價3.93元,現價4.09元只係高出0.16元。既然咁多大孖沙喺3.93元呢個位接貨,4元邊上車下行風險有限。公司已從軟件公司逐步進化為互聯網+公司,加上拍任騰訊(00700)、阿里巴巴、華為同中移動(00941)呢類一級巨頭,現價預測PE24倍,相對同類A股公司動軋50倍以上PE,中國軟件肯定係強國人心目中嘅荀股。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads