熱門:

2015年4月23日 即巿股評 港股直擊

【盤房來料】華富爆升食糊 換馬時富金融

大市勢如破竹,再升穿二萬八,期指又炒番高水,又係由港交所(00388)領軍,其他重磅股表現普普通通。港滙持續高企於強方兌換保證7.75,金管局注資注到手軟,喺熱錢持續流入下,港股易升難跌。

尋日炒鬼忙於炒垃圾,今日繼續喺垃圾堆搵食,最具人氣係中科礦業(00985),裂口高開後坐火箭咁上,升三成告別仙班,仙士股買少見少,睇中科礦業個勢,今日起又少一隻仙班股。睇番中礦雖然股價細細粒,但以細價股嚟講,市值超過廿億唔算細,技術走勢破晒位,極有機會短期再炒上0.12元。

有人問阿Man仲有乜嘢垃圾股未炒,八卦公話不妨睇實長盈(00689)。家陣市值不過4億多啲,暫時未夠人氣,上半場成交額唔夠4球,但現價低殘不堪,只係此股個睇場相當惡也,睇場唔放行好難炒得郁。

華富國際(00952)果然喺消化完啲批股flip貨後炒上,股價急升25%報收1.2元,早兩日有收集建議呢個位可以食一食糊,始終急升要抖抖,不過破晒頂股價,姿態隨佢擺,等錢使梗係有食該食,但等錢使券商股基本上可以放入櫃桶底,如此大時代券商股沒有最高只有更高。若嫌華富國際升得急,不妨轉去時富金融(00510)博追落後。同系時富投資(01049)升逾兩成,但時富金融僅升3格,擺明係有心人壓住個價收貨,阿Man認為現水平博得過,一旦主持人收齊貨,股價三兩吓見1.2元樓上。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads