熱門:

2015年4月22日 即巿股評 港股直擊

【盤房來料】大市偏靜炒鬼唯有炒垃圾!

中國大媽真係無得頂,內地股市喺周一調整未有嚇怕佢哋,連續兩日上升,半場又高收仲要創高位,高處未算高。至於港股就好似冇咁亢奮,雖然恒指一度衝破二萬八關,可惜去到嗰個位又有淡友出手,升幅收窄至不足百點,重返二萬八之下。

超人出手又成為市場焦點,以每股6.3元增持2750萬股中航國際(00161),其持股量由一成倍增至兩成,裂口高開勁升近7.9元後再升,上半場報收8.77元升近25%。超人呢個舉動刺激系航天系全線落鑊,炒鬼最啱玩係中航工業(00232),盤中高見0.97元,半場報收0.93元,阿Man睇佢個款未玩完,股價重返10日線之上,大有條件上破之前1.01元高位再破頂上。

早兩日叫買中國天然氣(00931)等注資,股價今朝低見1.76元擺明玩嘢,完成埋呢吓震盪,上半場收市前見有買盤大手掃貨,股價重上高位,隨時開快車,未有貨喺手要把握機會上車。

至於炒鬼今日主力炒垃圾股,唔怕得罪講句升幅榜裡頭確係一大埋垃圾,通常大市開始橫行整固,重磅股或者二三線股抖氣時,又係一堆垃圾股蒲頭。炒鬼短跑唔介意做垃圾佬,阿Man未至於爛炒到呢個地步,通常都係坐埋一邊睇戲。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads