熱門:

2015年4月21日 即巿股評 港股直擊

【盤房來料】走雞中移動吼實中電信!

今日滬港兩地魚缸皆反彈,上證升幅不足1%,恒指跟國指齊齊回升超過2%,總算威番次。港股呢邊主要靠電訊板塊龍頭中移動(00941)帶動,勁升逾6%又破位,聯通(00762)亦升逾3%,中電信(00728)僅升逾1%相對落後,技術指標亦開始轉好,阿Man覺得下半場可以留意,大有條件追落後。

除咗電訊板塊之外,本地券商又落鑊,由英皇證券(00717)帶動,由於除權日子仲有個幾星期,英證炒上大有道理。剛完成配股嘅華富國際(00952),啱啱批股完T+2消化晒FLIP貨客沽壓,當然跟大隊炒上,噚日落到批股價0.75元附近,醒目資金自然識得撈貨。至於時富金融(00510)同半隻券商股君陽(00397),兩者都係噚日落到10天線即有支持,前者今日升近一成,後者比較水皮僅升2.6%,可能唔少缸邊友忘記咗君陽太陽能旗下有間君陽證券,未有將君能視作本地券商股。阿Man認為本地券商股沒有最高,只有更高,短炒鬼等錢使梗係有食當食,但有實力可以持貨者,將可以走得更遠,贏得更多。

軍工股航天系亦落鑊,中國民航信息(00696)、中航科工(02357)、航天控股(00031)同中航工業(00232)升幅由1.4%至11%不等。四股當中阿Man梗係鍾情中航工業,大球場有晒士夠鑊氣,大把炒鬼捧場。噚日股價跌到落廿日線有支持,今日反彈目前剛好升抵10日線0.88元,守到呢個位,好快上破1元再挑戰52周高位。

麥狄文

 

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads