熱門:

2015年4月20日 即巿股評 港股直擊

【盤房來料】買定中國天然氣等注資

阿爺一招「兩啖砂糖,一啖屎」玩死缸邊友,最抵死係周末期間咁玩法,最慘係研究部班手足,預備今日開市份MORNING NOTE改完又改,先係利淡沽貨,又變觀望持有,噚日人行一句話降準,又要再改為利好,甚至追貨,周末開OT周身唔得閒。

阿爺呢兩日舉動十足十精神分裂,又唔想A股呢隻狂牛太癲,但又怕一盤冷水咁淋法會急病,急不及待打番口放水針補補,咁搞法呢隻狂牛都好難停落嚟。相對A股又升逾1%,港股就克制得多,輕微回調幾十點,延續上周五進入整固嘅形態。回調成交縮水,經過阿爺周末一吓皮鞭一吓雞肶,缸邊友唔敢太大膽掃貨,成交額喺上半場縮水至不足千億元。調整成交縮水係好事,反映現價沽壓仍然唔嚴重。

上周五走勢突破嘅超大(00682)炒完一日又冇影,目前略為回落至0.55元水平整固,不過企得喺呢啲位,略為抖抖又嚟過,守得住五粒神可以持有,中線目標依舊睇1元。趙薇獲封影后,魚缸「趙薇」(01060)停牌,唔通注資賀影后?講開注資係時候睇實中國天然氣(00931),公司舊年夠晒矚目,雖然只係簽咗一大堆合作框架協議,但股價由幾粒神炒到最高3元,之後回落至1.5元打底幾個月。上星期股價又見突破,聽聞短期有猛料公布,阿Man估計係落實注入頂目咁上下。不過線人話一旦中國天然天落實注資,上升速度將會跟趙薇由1.6元炒上3.2元差不多,即係快過火箭嗰種光速。上周股價已見逆市走強,股價上咗1.8元樓上仍有大量買盤追捧,反正現價較高位仍有一段距離,買入博炒至3元,剛好係起步位1.5元1倍,跌穿1.6元止蝕仲有唔錯值博率。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads