熱門:

2015年4月17日 即巿股評 港股直擊

【盤房來料】周末前唔短炒收集潛質爆升股

內地股市欲罷不能,上證尋日未能成功挑戰4200點,今日再升2%,上半場高企於4281點收市。港股呢邊靠中移動(00941)一夫當關,帶動恒指再挑戰二萬八關,可惜無功而回,二萬八關前再行人止步,但仍錄得過百點升幅。

股仔大部份放軟手腳,始終癲咗個幾星期係時候抖抖氣。券商股輪到華富國際(00952)抽水,每股0.75元批150球,聽聞噚日一早圍晒飛,唔係自己友都攞唔到貨,睇嚟一兩個交易日消化沽壓就會炒上,只要守得住0.75元批股價,可以吼位上車。由於華富國際抽水,大部份券商股都打倒褪,但真係收集好機會,時富金融(00510)同半隻券商股君陽太陽能(00397)分別回吐6%同3%,前者9粒神有啲支持,後者波幅較大,但對於炒鬼嚟講更加好炒,0.45元樓下買得過。

今日唔見有邊個板塊表現寧舍突出,加上周末效應,大家傾向沽貨唔買貨,炒鬼短炒搵食有難度。不過大實力嘅缸邊友,正好趁呢個時候收集有潛質股,阿Man今日睇實E-KONG(00524),此股賣殼後一直未有動靜,目前市值只有4.7億元,斷估新主遲早有動作,好似林麥(00915)同騰邦(06880)都係易主後見真章瘋狂炒上,現價收集E-KONG等人做嘢。

麥狄文

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads