政府據悉有意撤回放寬長者兩元乘車優惠計劃,惹來建制派群起反對。不過,行政會議成員、新民黨主席葉劉淑儀表示,不會支持方案,亦認為就撤回方案提出司法覆核做法「冇可能、荒謬」,建議當局應留待經濟復甦後才再考慮重推措施。
葉劉淑儀表示,長者乘車優惠並非真正逼切需要項目,但若推行將大增經常性開支,令其他對長者而言更為逼切的項目缺乏資金,「所以唔可以支持」。她指出:「唔係話永遠唔可以做,但必先處理濫用長者八達通的問題,解決後再待經濟復甦,恢復財政盈餘後才重推。」
日前經民聯梁美芬曾稱,政府公開承諾政策後不推行,或會有違市民「合理期望」惹來司法覆核,但葉劉直斥「冇可能、荒謬」,而放寬優惠方案亦只屬「十畫都冇一撇」階段。她解釋政府本年初預告措施時,尚未出現疫情及惡劣經濟環境,情況一如撤回優質的士計劃,「政府夠講咗優質的士好耐、條例都上埋嚟(立法會),咁係咪優質的士又告政府(撤回)?」